Париждаги Паралимпия ўйинлари: Қозоғистон терма жамоаси ҳақида қизиқарли маълумотлар
ASTANA. Kazinform - Қозоғистонлик паралимпиячилар Паралимпия ўйинларида саккизинчи бор иштирок этади. ҚР Туризм ва спорт вазирлиги Қозоғистон терма жамоаси ҳақида бир нечта қизиқарли фактларни тақдим этди, деб хабар беради Кazinform агентлиги.
1996 йилдан ҳозиргача спортчилар ёзги Паралимпия ўйинларида 7 та медаль (2 та олтин, 4 та кумуш ва 1 та бронза) қўлга киритган.
Қозоғистон терма жамоаси ҳисобида 33 та лицензия бор. 44 нафар спортчи спортнинг 9 тури (пара сузиш, пара пауэрлифтинг, пара енгил атлетика, пара каноэда эшкак эшиш, пара таэквондо, ўтирган ўйналадиган волейбол - эркаклар, пара ўқ отиш, пара стол тенниси, пара дзюдо) бўйича баҳслашади.
Энг кўп лицензияни пара дзюдочилар қўлга киритди - 10 киши.
Берик Измағанбетов (ўтирган ҳолда ўйналадиган волейбол) ва Севда Алиева (пара ўқ отиш) Паралимпия ўйинларида мамлакат байроқдорлари бўлади.
Париждаги мусобақаларда аввалги Паралимпия ўйинларининг 2 нафар чемпиони ва 2 нафар совриндори иштирок этади:
- Зулфия Ғабидуллина – Риодаги Паралимпия ўйинлари чемпиони
- Давид Дегтярев - Токиодаги Паралимпия ўйинлари чемпиони
- Раушан Қойшибаева - Риодаги Паралимпия ўйинларининг кумуш медали совриндори
- Нурдаулет Жумағали - Токиодаги Паралимпия ўйинларининг бронза медали совриндори
Энг ёш спортчи - Альфия Тилекқабил (пара дзюдо, 18 ёш).
Энг ёши катта спортчи - Зулфия Ғабидуллина (пара сузиш, 59 ёш).
Ўтирган ҳолда ўйналадиган волейбол бўйича Қозоғистон терма жамоаси жаҳон рейтингида 75 давлат ичида кучли олтиликдан жой олган.
Қозоғистонлик спортчилар бу йил илк бор стол тенниси бўйича Паралимпия ўйинларига йўлланмани қўлга киритди. Мазкур мусобақада мамлакат шарафини Али Мақулбеков ҳимоя қилади.
Энг тажрибали спортчи – Зулфия Ғабидуллина. Бу йил Зулфия тўртинчи бор Паралимпия ўйинларида иштирок этади.
