Париж аэропортида 18 йил яшаган эронлик вафот этди

ASTANA. Kazinform – Париждаги Шарль де Голль аэропорти биносида 18 йил яшаган эронлик Меҳран Карими Нассери вафот этди. Ўнинг ҳикояси асосида Стивен Спилберг «Терминал» фильмини суратга олган, деб хабар беради Kazinform BBC агентлигига таяниб.

Аэропорт вакилининг сўзларига кўра, Нассери шанба куни тушдан олдин 2F терминалда табиий сабабларга кўра вафот этди.

1945 йилда Эроннинг Хузистон вилоятида туғилган Нассери 1988 йилда Европага кетган онасини қидириш учун борган. Бироқ у миграция қонунчилигини амалга оширмади.

Кейин керакли ҳужжатлар бўлмагани учун уни Буюк Британия, Голландия ва Германиядан депортация қилишган. Нассери аэропортда яшашга мажбур бўлди. Ҳатто Францияга кириш ҳуқуқига ҳам эга эмас эди.

У 2F терминалидаги ўриндикларда ўтирарди. Кундузи ўз ҳаёти ҳақида дафтарга ёзиб, газета-журнал ўқиш билан вақт ўтказарди.

Нассерининг ҳикояси жаҳон оммавий ахборот воситалари ва Голливуд режиссёри Стивен Спилбергнинг эътиборини тортди. У Том Хэнкс ва Кэтрин Зета Джонс иштирок этган «Терминал» фильмини суратга олди.

Фильм премьерасидан сўнг Нассеридан кўплаб журналистлар суҳбат олишди.

1999 йилда Франция унга қочқин мақомини берган бўлса-да, 2006 йилгача аэропортда яшаган. 2006 йилда у касаллик туфайли касалхонага ётқизилган. Кейинчалик у фильмдан тушган пулга хостелда яшади.

Бир неча ҳафта олдин Нассери 2F терминалига қайтиб келди ва у ерда вафот этди. Унинг чўнтагидан бир неча минг евро топилди, деди аэропорт вакили.

Фото: Getty Images