Озарбайжонда турар-жой биносида юз берган портлаш оқибатида беш киши ҳалок бўлди
Озарбайжон матбуоти хабарига кўра, бола топиб, уйига олиб келган қўл граната портлаган, деб хабар беради Kazinform агентлиги мухбири.
Турар-жой биносида қурилманинг портлаши натижасида беш киши ҳалок бўлди, икки киши турли оғирликдаги жароҳатлар билан касалхонага ётқизилди.
Республика Бош прокуратураси матбуот хизмати хабарига кўра, ҳодиса кундузи Бокудан 300 км узоқликда жойлашган Озарбайжоннинг Агжабоди вилоятининг Хиндарч қишлоғида содир бўлган. Нима бўлганлиги ҳақида батафсил маълумотлар берилмаган.
Ҳозирда Агжабоди туман прокуратурасида тергов ҳаракатлари олиб борилмоқда.
“Ҳозирда прокуратура ходимлари воқеа жойини кўздан кечирмоқда ва бошқа процессуал ҳаракатларни амалга оширмоқда”, - дейилади бошқарма хабарида.
ОАВ хабарига кўра, бир оиланинг 5 та аъзоси ҳалок бўлган, улардан уч нафари вояга етмаганлардир.
Эслатиб ўтамиз, декабрь ойида Туркия ғарбидаги заводда кучли портлаш содир бўлган. Фожиа 12 кишининг ҳаётига зомин бўлди, яна 5 нафар компания ходими жароҳатланди.
