Озарбайжон эркакларни ишсиз хотинларининг пенсия ҳисобларини тўлдиришга мажбурламоқчи

BAKU. Kazinform - Республика парламенти эркак хотинига ишлашга рухсат бемаса, ўз иш ҳақининг бир қисмини унинг пенсия жамғармасига ўтказиши тўғрисидаги талабни қонун билан мустаҳкамлаб қўйишни таклиф қилди, деб хабар беради Каzinform агентлиги мухбири.

Депутат Мубориз Гурбанли маҳаллий анжуманлардан бирида шундай таклиф билан чиқди. Унинг таъкидлашича, хотинларини ишлашни ман қилган эркаклар пенсиялари учун жавобгар бўлишлари керак.

- Баъзи эркаклар ўз хотинига ишлашга рухсат бермайди, бу эса кейинчалик унинг пенсия таъминотига салбий таъсир қилади. Бундай ҳолларда эркакнинг иш ҳақининг бир қисми аёлнинг пенсия жамғармасига ўтказилиши керак. Бу қонун ҳужжатларида мустаҳкамланиши зарур. Эркак бунга қаршилик қилмаслиги даркор, чунки унинг ўзи хотинини ишлаш имкониятидан маҳрум қилмоқда, — деди депутат.

Декабрь ойида Озарбайжонда 2026 йилгача хусусий пенсия жамғармалари ташкил этилиши ҳақида хабар берилган эди. Улар фуқароларга пенсия ёшига етганида нафақат давлатдан, балки шахсий жамғармадан ҳам пенсия олиш имконини беради.

Февраль ойи бошида Озарбайжонда ўртача ойлик иш ҳақининг фоиз ўсишига мувофиқ меҳнат пенсияларини ҳар йили оширишни назарда тутувчи ягона пенсия индексацияси тизими қабул қилинди.

Эслатиб ўтамиз, аввалроқ Туркияда энг кам пенсия 15,75 фоизга ошгани ҳақида хабар берган эдик.

Шунингдек, швейцарияликлар энди йилига бир марта 13-чи пенсия олади.

Муаллиф: Серикбол Қошмағанбетов