Осиё ўйинлари-2025: қишки спорт ўйинлари ҳақида қизиқарли фактлар
ASTANA. Kazinform - Қозоғистон спортчилари олтинчи бор қишки Осиё ўйинларида иштирок этади. Улар илк бор 1996 йилда Харбиндаги турнирда қатнашган, деб хабар беради Кazinform агентлиги ҚР Туризм ва спорт вазирлигига таяниб.

Қозоғистонлик спортчилар шу кунгача Қишки Осиё ўйинларида 196 та медални қўлга киритди: 78 та олтин, 62 та кумуш ва 56 та бронза. 2017 йилда Саппорода ўтказилган ўйинларда Қозоғистон терма жамоаси 32 та медални қўлга киритиб, умумжамоа ҳисобида 4-ўринни эгаллади.
2025 йилда Харбин шаҳрида бўлиб ўтадиган Қишки Осиё ўйинларида Қозоғистон терма жамоаси шарафини 138 нафар спортчи: 72 нафар эркак ва 66 нафар аёл ҳимоя қилади. Қозоғистонликлар спортнинг олти тури бўйича 10 йўналишда 51 медаллар жамланмаси учун кураш олиб боради.
Ўйинларда Осиёнинг 32 давлатидан жами 1000 нафардан ортиқ спортчи иштирок этиб, 64 та медаллар жамланмаси учун кураш олиб боради.
Қишки Осиё ўйинлари дастурига илк бор чанғи альпинизми киритилди.
Қозоғистон делегациясининг ярмидан кўпи Астана, Алмати ва Шарқий Қозоғистон вилояти спортчиларидан иборат. Унда мамлакат шарафини яна 10 та вилоят спортчилари ҳам ҳимоя қилади.
Қозоғистон терма жамоаси байроқдорлари Адил Бекетаев (хоккей) ва Ольга Тихонова (шорт-трек) бўлади.
Ҳозирги жамоанинг аввалги қишки Осиё ўйинларида чемпион бўлишган спортчилари:
- Ольга Полторанина (биатлон, 2011 йил чемпиони);
- Евгений Римарев (хоккей, 2011 йил чемпиони);
- Роман Старченко (хоккей, 2011 йил чемпиони);
- Дариа Климина (биатлон, 2017 йил чемпиони);
- Кирилл Савицкий (хоккей, 2017 йил чемпиони);
- Дмитрий Гренц (хоккей, 2017 йил чемпиони).
Жамоанинг энг ёш аъзоси Асан Асилхан (фристайл-акробатика) эндигина 15 ёшда. Энг кекса спортчи - Денис Власов (чанғи спорти, 41 ёш).
Очилиш маросими 7 февраль куни, Ўйинларнинг ёпилиш маросими эса 14 февраль куни бўлиб ўтади. Иккала маросим ҳам Harbin International Convention and Exhibition Centre Stadiumда бўлиб ўтади.
Сибирь йўлбарслари Бинбин ва Нини 2025 йилги Осиё ўйинларининг маскотларига айланишди. Ўйинларнинг шиори: “Осиёда қиш орзуси ва муҳаббати”.
Харбин иккинчи бор қишки Осиё ўйинларига мезбонлик қилмоқда. Қишки Осиё ўйинлари биринчи марта 1996 йилда ушбу шаҳарда ўтказилган. Умуман олганда, Хитой учинчи бор қишки Осиё ўйинларига мезбонлик қилмоқда.
Тантанали тадбирлар ва мусобақалар еттита спорт майдончасида ўтказилади: Харбин хоккей аренаси; Харбин халқаро конгресс-кўргазма ва спорт маркази; Пингфан туман хоккей аренаси; Харбин спорт университетининг муз аренаси; Хэйлунцзян кўп функцияли зали; Хэйлунцзян ўқув маркази муз мусобақалари зали; Ябули чанғи курорти.
Эслатиб ўтамиз, аввалроқ IX қишки Осиё ўйинларида қанча спортчи иштирок этиши ҳақида хабар берган эдик.