Олимпиада-2024: Якуний медаллар рейтинги

ASTANA. Kazinform - 11 август куни Олимпиаданинг мусобақа дастури якунланди. Турли мамлакатлардан 10 мингдан ортиқ спортчи иштирок этган 32 спорт тури бўйича икки ҳафтадан ортиқ давом этган шиддатли беллашувлардан сўнг АҚШ Париждаги Олимпиада ўйинларида медаллар жамғармаси бўйича биринчи ўринни эгаллади, деб хабар беради Kazinform.

2024 йилги Олимпиадада Қўшма Штатлар 126 та медални қўлга киритди: 40 та олтин, 44 та кумуш ва 42 та бронза. Америкалик спортчилар енгил атлетика бўйича энг кўп мукофот, 34 та медални қўлга киритдилар.

Хитой 91 та медаль, жумладан, 40 та олтин, 27 та кумуш ва 24 та бронза билан иккинчи ўринни эгаллади. Сувга шўнғишда хитойлик спортчилар 8 та олтин медални қўлга киритди.

Япония жами 45 та медаль билан учинчи ўринда, шундан 20 таси олтин, 12 таси кумуш ва 13 таси бронза.

Топ-5 давлатни 53 та медаль билан Австралия ва 64 та медаль билан Олимпиадага мезбон Франция якунлаб турибди.

Токио Олимпиадасида медаллар рейтингида ҳам кучли учликдан АҚШ, Хитой ва Япония жой олди.

Қозоғистон Париждаги Олимпия ўйинларида еттита медаль билан якуний медаллар рейтингида 43-ўринни эгаллади.