Нур-Султон шаҳар аэропортида ПЗР тестини топшириш мумкин

NUR-SULTAN. Kazinform – Нурсултон Назарбоев номидаги халқаро аэропорт биносида ПЗР тест топшириш маркази очилди, деб хабар беради Kazinform аэропорт матбуот хизматига таяниб.

«Энди йўловчилар ва пойтахт аэропорти меҳмонлари ПЗР ва ИФА ёрдамида GrinLab синов марказида COVID-19 инфекциясига текширилиши мумкин. ПЗР тестларининг нархи 9000 тенгедан бошланади. Намуна томоқ ва бурундан олинади ва натижа электрон почта орқали рус ёки инглиз тилларида юборилади. Натижаларни 12 соат ичида олиш мумкин», - дейилади хабарда.

ИФА орқали экспресс-тест антитаналарни текшириш нархи 6500 тенгени ташкил этади, текшириш давомида IgM ва IgG антитаналарини аниқлаш учун капилляр қондан олинади, натижа 15 дақиқада тайёр бўлади.

Антиген экспресс-тест учун нархи 8500 тенге, IgA антигенини аниқлаш учун бурундан ва томоқдан олинади, натижаси 15 дақиқа ичида тайёр бўлади. Марказ Нурсултон Назарбоев номидаги халқаро аэропортнинг чап қанотининг иккинчи қаватида, ички рейслар терминалида жойлашган.