Нур-султанда коронавирус юқтирганлар сони ҳафтасига 2,8 мартага камайди

None
None
NUR-SULTAN. Kazinform – Нур-Султанда COVID-19 бўйича эпидемиологик вазият барқарорлашмоқда. Бу ҳақда Нур-Султан шаҳри бош санитар шифокори Сархат Бейсенова маълум қилди, деб хабар беради Kazinform мухбири.

«Ўтган ҳафтада пойтахтда COVID-19 бўйича эпидемиологик вазият барқарорлашди, касаллик ижобий тенденция билан камайди. Шу тариқа, ўтган ҳафтага нисбатан касалланиш даражаси 2,8 баробарга, 100 минг аҳолига 749,0 дан 260,6 гача камайди. Бироқ, барқарорлашув жараёнига қарамай, КВИ билан касалланиш юқори ва шаҳар «қизил» зонада қолмоқда», - деди у.

Унинг сўзларига кўра, ўтган кун давомида 305 та тасдиқланган ҳолат қайд этилган, бу 0,15 фоизга ошган. Репродуктив рақам - 0,505.

«Жорий йил бошидан буён пойтахтимизда жами 83 917 та ҳолат қайд этилган. Улардан 79 127 таси январ ойида қайд этилган бўлиб, бу пандемия давридаги ойлик рекорд кўрсаткичдир. Шунга кўра, январ ойида ижобий натижалар улуши 53 фоизга етди», - деди Сархат Бейсенова.


Муаллиф: Марлан Жиембай

Сўнгги хабарлар