Нур-Султан, Алмати, Чимкент шаҳарларида ва Атирау вилоятида карантин кучайтирилади

NUR-SULTAN. Kazinform – ҚР Бош вазири ўринбосари Ерали Туғжанов раислигида Қозоғистонда коронавирус инфекциясининг олдини олиш бўйича идоралараро комиссия йиғилиши бўлиб ўтди, деб хабар беради Kazinform.

Йиғилишда давлат идоралари вакиллари, вилоятлар раҳбарлари иштирок этди. Кун тартибига эпидемиологик вазиятнинг кескинлашуви ва «омикрон» штаммининг айланиши масалалари кўтарилди.

ҚР Соғлиқни сақлаш вазири Ажар Ғиният маъруза қилди. Унинг таъкидлашича, эпидемик вазият ёмонлашмоқда. Охирги куннинг ўзида вирус 4000 дан ортиқ одамда аниқланган. Ҳозир ўзида «қизил» зонага 4 та ҳудуд киритилган.

Идоралараро комиссия инфекция тарқалишининг олдини олиш учун санитария-карантин чораларини кучайтиришга қарор қилди.