Нотўғри буйруқ туфайли Ердан миллиард километрда учиб юрган зонд билан алоқа узилди

ASTANA. Kazinform – Американинг NASA космик агентлиги Ердан миллиард километр узоқликда учаётган «Вояжер-2» зонди билан алоқани узди. Зондга тасодифан нотўғри буйруқ берилган, кейинроқ мутахассислар қурилманинг кузатув сигналини топишган. Улар алоқани нормаллаштиришга ҳаракат қилмоқда, деб хабар беради Kazinform ВВCга таяниб.

Хатолик натижасида Ерга йўналтирилган антенна 2° четга кетиб, зонд буйруқни қабул қила олмаган.

NASA тизим октябрда автоматик равишда тузатилиши ва тикланиши мумкинлигини эълон қилди.

21 июлда алоқа узилиб қолган, 2 августда эса NASAдаги Вояжер лойиҳаси раҳбари журналистларга Ер орбитасидаги йирик радиоантенналар тизими йўқолган зонднинг кузатув сигналини қабул қилганини айтди.

«Биз энди биламизки, бизнинг космик кемамиз ҳали ҳам ишлайди. Бу хабар бизнинг кайфиятимизни кўтарди«, – деди Додд.

Аммо ҳозирча»Вояжер«маълумот бера олмаяпти ва жамоа уни қабул қила олмаяпти.

Додднинг сўзларига кўра, мутахассислар ҳозирда антенна қурилмани қабул қилиши учун унинг йўналишини ўзгартириш бўйича гуруҳ тузмоқда. Аммо имконият кам.

«Вояжер-2» Ердан 19,9 миллиард километрдан ортиқ масофада соатига 55346 километр тезликда учмоқда.