Нефть кун давомида 3 фоизгача кўтарилишда давом этди
Brent нефти бир баррели душанба вақти билан соат 19:12 да 2,38 доллар ёки 3,03 фоизга ошиб, 80,95 долларга, West Texas Intermediate эса 2,36 долларга ёки 3,2 фоизга ошиб, 76,13 долларга етди.
Нархларнинг кузатилган ўсиши ўтган ҳафтада ҳар икки турдаги нефть учун нархлар 8 фоиздан кўпроқ пасайганидан кейин содир бўлди, бу уларнинг йил бошида 2016 йилдан бери энг катта ҳафталик пасайиши. Бунга, шунингдек, дунёдаги энг йирик хом нефть импортчиси - Хитойнинг ўз чегараларининг очилиши, шунингдек, қимматли қоғозлар ва долларнинг заифлашиши билан АҚШ фоиз ставкаларининг камроқ агрессив ўсишига бўлган умидлар таъсир кўрсатди.
«Агар турғунликнинг олдини олиш мумкин бўлса, глобал нефть талаби ва талабнинг ўсиши барқарор бўлиб қолади», - деди PVМ нефт брокери вакили Тамас Варга ва Хитойдаги воқеалар душанба кунги ўсишнинг асосий омили эканлигини қўшимча қилди.
«Хитой иқтисодиётининг босқичма-босқич қайта очилиши қўшимча ва ўлчовсиз нархларни қўллаб-қувватлайди», - деди у.
Дам олиш кунларида, CОVID-19 га қарши курашнинг «янги босқичи» доирасида Хитой Гонконг билан денгиз ва қуруқликдан ўтиш йўлларини очди ва уч йил ичида биринчи марта келаётган саёҳатчиларга карантинда қолиш талабини бекор қилди.
Пекин қамарий Янги йил мавсумида мамлакат бўйлаб тахминан 2 миллиард саёҳатни кутмоқда, бу ўтган йилгидан деярли икки баравар ва 2019 йилга нисбатан 70 фоизга кўп.
Шанба куни «чунь юнь» , Осмон империясида 40 кунлик қамарий Янги йили даври, пандемиядан олдин дунёдаги энг катта йиллик миграция, одамлар ўз шаҳарларига қайтишлари ёки оилалари билан дам олиш кунлари бошланди.
Нефть ўсиши нуқтаи назаридан, Хитой 2023 йил учун хом нефть импорт квотасининг иккинчи партиясини чиқарди ва бу йил учун умумий миқдорни ўтган йилнинг шу даврига нисбатан 20 фоизга оширди.
Фото: REUTERS/Chen Aizhu
Муаллиф: Арсен Ўтешев
