Наврўз байрамида Астанада қандай тадбирлар бўлиб ўтади

14 март куни Қозоғистонда “Наврўзнома” ўн кунлиги бошланди. Шу 10 кун давомида Астанада байрам шарафига 200 дан ортиқ кенг кўламли тадбирлар – концертлар, кўргазмалар, томошалар, ижодий кечалар ва бошқа кўплаб тадбирлар бўлиб ўтади, деб хабар беради Kazinform шаҳар ҳокимлиги матбуот хизматига таяниб.

15 март Меҳрибонлик кунига бағишланади. 

Унинг шарафига 14 март куни соат 11:00 да “Шарапат” ижтимоий хизматлар марказида «Наурыз-Думан» хайрия концерти билан “Наз” давлат рақс театри санаткорлари чиқиш қилади.

15 март куни “Яхши ишлар марафони” ва “Яхшилик қил” акциясига старт берилади. Шу куни кўнгиллилар фахрийлар ва ёлғиз пенсионерлар хонадонларига ташриф буюриб, уларга “Яхши ишлар марафони” акцияси доирасида озиқ-овқат саватлари тарқатади.

Пойтахтда «Ғажайып сандық» акцияси ҳам ташкил этилиб, унинг доирасида меҳрибонлик уйлари, қариялар уйи ва шифохоналарга махсус қутилар етказиб берилади. Эҳтиёжмандлар ўзлари хоҳлаган совға (озиқ-овқат, кийим-кечак, ўйинчоқ ёки китоб) ёзиб беришлари мумкин, шундан сўнг бу нарсалар ҳомийлар ҳисобидан сотиб олинади ва тарқатилади.

15 март куни “Дўстлик” уйида «Жанашырлық пен қамқорлық — еліміздің тірегі» номли хайрия акцияси режалаштирилган. “Балам-ай” марказида «Әз-Наурыз» номли хайрия концерти тайёрланяпти.

Шу куни «Sintez» экспериментал театри «Бақытты Шаңырақ» жамғармаси тарбияланувчилари учун хайрия спектаклини намойиш этади.

15 мартдан бошлаб «Нұрлы жүрек» ижтимоий хизматлар марказида «Жыл басы» ижодий кўргазмаси очилади.

16 март - “Оила куни” сифатида оила қадриятларининг ўрни тарғиб қилинади.

Соат 11:00 да “Байтерек” монументида тантанали маросим бўлиб ўтади, унда янги турмуш қурганларга никоҳ гувоҳномалари топширилади, олтин юбилейини нишонлаган жуфтликлар “Юбилейлар китоби”га киритилади.

Шу билан бирга, Л.Гумилёв номидаги Евроосиё миллий университетида ёш ёзувчилар ўртасида «Армысың, Әз — Наурыз» фестивали бўлиб ўтади.

Соат 10:00 да Сариарқа туманида «Берекелі шаңырақ» тадбири доирасида 25-50 йил турмуш қурган оилалар табрикланади. 

Шу куни касб-ҳунар коллежида ёш оилалар ўртасида спорт эстафетаси бўлиб ўтади. Иштирокчилар миллий ўйинлар: «арқан тарту, асықату, тоғызқұмалақ” ва бошқалар бўйича баҳслашадилар.

16 март “Нура” фаол узоқ умр кўриш марказида ибратли авлодни вояга етказган ибратли оилалар учун маданий тадбир бўлиб ўтади.

16 март соат 15:00да Ёш томошабинлар мусиқали театрида ижодкор ёш оилалар билан «Бақытты шаңырақ иелері» учрашуви бўлиб ўтади.

17 мартда  Астана шаҳрида Маданият ва миллий анъаналар куни бўлиб ўтади.

17-21 март кунлари Паралимпия тайёрлаш марказида «Наурыз мейрамы» («тогызқұмалақ», «асық ату», арқон тортиш, армрестлинг) байрамига бағишланган миллий спорт турлари бўйича турнир бўлиб ўтади.

18 март куни “Наврўзнома” декадасида Миллий либослар кунига бағишланади.

Шу муносабат билан 15-18 март кунлари «Хан Шатыр» савдо марказида «Ұлттық киім — ұлттың сәні» ярмаркаси бўлиб ўтади.

Соат 10:00 дан 18:00 гача Сакен Сейфуллин музейида Миллий либослар куни муносабати билан музейга ташриф буюрувчилар учун миллий либосда экскурсиялар ташкил этилади.

Соат 12:00да Е.Рахмадиев номидаги Давлат академик филармониясида миллий либосларда флешмоб тайёрланяпти.

2-сонли болалар кутубхонасида «ӘзНаурыз — жаңару мен жаңғыртудың бастауы» номли фольклор соати тайёрланмоқда.

Соат 14:00 да 8-сонли оммавий кутубхонада «Қош келдің, Әз — Наурыз» номли байрамона ўйин дастури бўлиб ўтади.

Соат 15:00да Миллий музейда «Ең әдемікиім — ұлттық киім» этнофестивали М.Утемисов номидаги ўқувчилар саройида «Жігіт сұлтаны» ўсмирлар ўртасида республика мусобақаси, Qazaqstan енгил атлетика спорт мажмуасида «Қамажай» флешмоби бўлиб ўтади. Ушбу рақсни шаҳардаги 112 та мактабнинг 15 ёшдан 17 ёшгача бўлган қизлари ижро этишади.

19 март - Янгиланиш куни.

«Таза Қазақстан. Астана - тозалик ва тартиб намунасидир”.

20 март  - Миллий спорт куни нишонланади.

Унинг шарафига «Нұрлы жүрек» ижтимоий хизматлар марказида «Ұлттық ойындар» спорт мусобақаси ўтказилади.

21 март – Бирлик ва ҳамжиҳатлик куни.

Соат 17:00да Қозоғистон Республикаси Қуролли Кучлари Миллий ҳарбий-ватанпарварлик марказида «Достық сазы» оркестри концерти бўлиб ўтади.

21 ва 22 март кунлари соат 12:00 ва 16:30 да Қўғирчоқ театри «Наурыз-Думан» қўғирчоқлар спектаклига таклиф қилади.

22 март - Йил боши.

Шу куни Тинчлик ва келишув саройида «Наурыз сыйлығы» Миллий мукофоти тантанали маросими бўлиб ўтади. Соат 18:00да Ёш томошабинлар мусиқали театрида «Абай-Тоғжан» спектакли бўлиб ўтади.

23 март - Покланиш куни.

Шу куни соат 9:00 дан бошлаб “Қамкор” ижтимоий хизматлар маркази ҳудудни қордан тозалаш ишларини олиб боради. Соат 10:00да пойтахт театр жамоалари экоакцияда иштирок этиб, ўз бинолари атрофидаги ҳудудларни тозалайди.

Шу куни Астананинг барча туманларида тозалик эстафетаси доирасида янги йил байрами рамзи сифатида “Тазару” умумреспублика экологик акцияси ўтказилади, ҳовлиларни қор ва чиқиндилардан тозалаш тадбирлари ташкил этилади.

Эслатиб ўтамиз, жорий йилда “Наврўзнома” ўн кунлиги доирасида мамлакатимиз бўйлаб халқ анъаналари, маданияти ва тарихини тарғиб этишга қаратилган 1500 дан ортиқ тадбирлар ўтказилиши режалаштирилган.