Нальчикда аксилтеррор операцияси режими жорий қилинди
«Терроризмга қарши кураш тўғрисида» 2006 йил 6 мартдаги 35-ФЗ-сонли Федерал қонун талабларига мувофиқ, террористик ҳаракатларнинг олдини олиш ва уларни аниқлаш, уларнинг оқибатларини камайтириш ва шахс, жамият ҳамда давлатнинг ҳаётий манфаатларини ҳимоя қилиш мақсадида, Россия Федерацияси Кабардин-Балкария Республикаси Хавфсизлик хизмати раҳбари генерал-майор С.В.Воронин Нальчик шаҳар округининг 2021 йил 3 июл куни соат 03: 15дан бошлаб Биттиров, Канукоев, Центральная, Жабело кўчалари билан чегарадош боғ участкалари ҳудудида аксилтеррор операцияларининг ҳуқуқий режимини жорий этишга қарор қилди.
2021 йил 3 июл куни соат 05: 20дан бошлаб аксилтеррор операциясининг ҳуқуқий режими қуйидаги чегараларда ҳам жорий этилади: Баксан шаҳар округининг шарқий қисми (Конечная кўчаси) - А-158 автомагистрали (Прохладний - Баксан) - Баксаненок қишлоқ аҳоли пунктининг ғарбий қисми (Промишленная кўчаси) - Баксан дарёси водийси.
Тезкор штаб хабарига кўра, АТО режими давомида махсус буйруқ чиқарилгунга қадар бир қатор тадбирлар ва вақтинчалик чекловлар жорий этилади: жисмоний шахсларнинг ҳужжатлари текширилади, жамоат тартиби кучайтирилади, телефон орқали суҳбатлар кузатилади ва агар керак бўлса, АТО режимида яшовчи шахслар вақтинча эвакуация қилинади.
