Мутахассислар тайёрлаш учун хусусий IТ-мактабларга 3000 та ваучер ажратилади – ҚР Рақамли ривожланиш вазири

None
None
NUR-SULTAN. Кazinform - Қозоғистон хусусий IТ-мактаблари мутахассислар тайёрлаш учун ваучерларга мурожаат қилишлари мумкин. Ариза https://astanahub.com/l/TechOrda орқали амалга оширилади.

Бу ҳақда Қозоғистон Республикаси Рақамли ривожланиш, инновациялар ва аэрокосмик саноат вазири Бағдат Мусин ўзининг Facebookдаги саҳифасида ёзди, деб хабар беради Kazinform.

Вазирнинг сўзларига кўра, Tech Orda дастури доирасида 600 минг тенгегача бўлган 3000 та ваучер тарқатилади.

«Ўтган йили биз ушбу дастурни пилот лойиҳа сифатида ўтказган эдик, ўшанда 13 та хусусий IТ-мактабини молиялаштирдик, 100 нафар талаба таълим олди. Ҳар бир талаба учун ваучер 600 минг тенге эди. Бу йил биз бу ишни давом эттирамиз, лекин биз ваучерлар сонини кўпайтиришни режалаштирганмиз.

IТ-мутахассисларини тайёрлаш масаласи Давлат раҳбари назоратида: Президент 2025 йилгача камида 100 мингта малакали IТ-мутахассисни тайёрлаш вазифасини қўйди. Улардан 20 мингтасини Аstana Hub технопарки билан ҳамкорликда тайёрлаймиз», — деди вазир.

Унинг фикрича, ёш, ижодкор, рақобатбардош IТ-талантларни тарбиялаш давр талабидир. Дунё ҳар куни ўзгариб бормоқда, IТ ва технологиялар соҳасида сифатга талаблар ортиб бормоқда.

Шунинг учун бу мамлакат учун жуда муҳимдир. Тech Оrda дастури қозоғистонликлар учун сифатли IТ-таълимни бепул олиш учун ноёб имкониятдир. Ишончим комилки, дастур келажакда кўплаб сифатли IТ-лойиҳаларни тақдим этади.

Хусусий IТ-мактабларидан ҳужжатларни қабул қилиш 1 сентябрдан бошланади. Хусусий IТ-мактабларини дастурда иштирок этишга ва фаол ариза беришга таклиф қиламан!», - деб ёзди Бағдат Мусин.

Сўнгги хабарлар