Москвадаги теракт: Россия терговчилари гумонланувчиларнинг оилаларини сўроқ қилиш учун Тожикистонга боришди
DUSHANBE. Kazinform – 26 март куни россиялик терговчилар Crocus City Hallдаги ҳужумда гумон қилинган тўрт кишининг оила аъзоларини сўроқ қилиш учун Тожикистонга борди. Бу ҳақда Тожикистон хавфсизлик хизматидаги уч манбага таяниб, Reuters агентлиги хабар берди.
Очиқ изоҳ беришга ваколати бўлмаган манбаларнинг айтишича, Тожикистон хавфсизлик кучлари оилаларни Вахдат ва Ҳисор шаҳарлари ҳамда Рудакий вилоятидан пойтахт Душанбега олиб келган.
Манбаларга кўра, “Крокус”даги теракт бўйича Тожикистондаги тергов ҳаракатларининг бориши давлат раҳбари Имомали Раҳмоннинг “шахсий назорати” остида.
Тожикистон Президенти 25 март куни “Крокус”даги ҳужумни “шармандали ва даҳшатли воқеа” деб атаган ва ота-оналарни фарзандлари тарбиясига жиддийроқ эътибор қаратишга чақирганди.
