Миллий лойиҳа доирасида Қозоғистонда 1 млнга яқин иш ўрни яратилади

ASTANA. Kazinform –2025 йилга бориб кичик ва ўрта бизнеснинг ялпи ички маҳсулотдаги улуши 35 фоизга етади. Бу ҳақда Ҳукумат йиғилишида ҚР Бош вазир Алихан Смаилов маълум қилди, дея хабар беради Kazinform мухбири.

«Биз тадбиркорларнинг имкониятларини кенгайтириш, бандлигини ошириш, тадбиркорлик субъектларига тенг шароит яратмоқчимиз. Миллий лойиҳанинг амалга оширилиши 2025 йилга бориб кичик ва ўрта бизнеснинг ялпи ички маҳсулотдаги улушини 35 фоизга етказиш, 1 миллионга яқин иш ўрни яратиш ва давлатнинг иқтисодиётдаги улушини 14 фоизга камайтириш имконини бериши керак»

, - деди А. Смаилов.

Шу муносабат билан Ҳукумат раҳбари Миллий иқтисодиёт вазирлигига «Атамекен» палатаси ва марказий давлат органлари, вилоятлар ҳокимликлари билан ҳамкорликда миллий лойиҳа кўрсаткичларидан сифатли ва ўз вақтида фойдаланишни таъминлаш бўйича топшириқ берди.

Муаллиф: Руслан Ғаббасов