Миллатлар лигаси: Финалда Испания ва Хорватия терма жамоалари тўқнаш келишади

ASTANA. Kazinform – Испания терма жамоаси UEFA Миллатлар Лигаси финал босқичига иккинчи йўлланмани қўлга киритди, деб хабар беради Kazinform мухбири.

Испаниялик футболчилар ярим финалда Италия терма жамоаси билан маҳорат кўрсатди.

Учрашувнинг 3-дақиқасида испаниялик Йереми Пино ҳисобни очди. 11-дақиқада италиялик Чиро Иммобиле пенальти билан жавоб қайтарди.

Ўйиннинг 88-дақиқасида Хоселу томонидан киритилган гол Испанияга ғалаба келтирди.

Шу тариқа Испания рақибини 2:1 ҳисобида мағлуб этди ва финалга йўлланма олди. Энди улар бош соврин учун 18 июнда Хорватияга қарши баҳс олиб боради.

Хорватия ярим финалда Нидерландияни 4:2 ҳисобида мағлуб этди.

Шу куни 3-ўрин учун баҳсда Италия ва Голландия терма жамоалари тўқнаш келади.

Эслатиб ўтамиз, 2019 йилда Португалия, 2021 йилда эса Франция чемпион бўлганди.

Муаллиф: Адилжан Умбет