Машҳур француз рассоми мурал чизиш учун Астанага келади
ASTANА. Кazinform - Жорий йилнинг июль ойида таниқли француз рассоми Астанада спорт мавзусида мурал чизади. Бу ҳақда Франциянинг Қозоғистондаги Фавқулодда ва Мухтор Элчиси Дидье Канесс маълум қилди.
Бундан ташқари, Франциянинг Қозоғистондаги Элчихонаси томонидан бочче ва футбол бўйича спорт мусобақалари, фотосуратлар кўргазмаси ташкил этиш режалаштирилган.
– Келгуси ҳафтада Астанадаги Паралимпия ўқув марказида инклюзия ва паралимпия спортини қўллаб-қувватлаш мақсадида кичик бочче ва футбол бўйича кичик мусобақа ўтказамиз, – деди Дидье Канесс ҚР Туризм ва спорт вазири Ермек Маржиқпаев билан учрашувда.
Унинг айтишича, Астана ҳокимлиги мурал чизишга рухсат берган. Мурал Қозоғистон ва Франция ўртасидаги дўстлик рамзига айланиши кутилмоқда.
Муралнинг тақдимоти 8 июлга белгиланган. Астанадаги “Атирау” кўпригида таниқли рассомнинг қозоғистонлик ва франциялик спортчилар тасвирланган расмлари кўргазмаси ташкил этилади.
