Малайзияда самолёт шаҳар чеккасида қулаб, 10 киши ҳалок бўлди

ASTANA. Kazinform – Малайзияда хусусий самолётнинг қулаши оқибатида 10 киши ҳалок бўлди, деб хабар беради Kazinform Anadolu агентлигига таяниб.

Самолёт Лангкави халқаро аэропортидан кўтарилиб, Шам Алам яқинида қулаган.

Натижада 6 йўловчи ва 2 экипаж аъзоси, шунингдек, самолёт ҳалокатга учраган маҳалланинг 2 нафар фуқароси ҳалок бўлди.

Маълумотни Малайзия фуқаро авиацияси бошқармаси тасдиқлади.

Агентлик маълумотларига кўра, ҳодиса маҳаллий вақт билан соат 14:08 да содир бўлган. Самолёт Куала-Лумпурдаги Султон Абдулазиз аэропортига йўл олган.