Махачқалъадаги портлаш: Қасим-Жомар Тоқаев Владимир Путинга ҳамдардлик билдирди

ASTANA. Kazinform – ҚР Президенти Қасим-Жомарт Тоқаев Доғистон Республикасининг Махачқалъа шаҳридаги ёқилғи қуйиш шохобчасида юз берган портлаш оқибатида кўплаб инсонлар ҳалок бўлгани муносабати билан Россия Федерацияси Президенти Владимир Путинга ҳамдардлик билдирди, деб хабар беради Kazinform Ақордага таяниб.

«Қозоғистон халқи номидан ва шахсан ўз номимдан ҳалок бўлганларнинг яқинларига ҳамдардлик билдираман. Шу билан бирга, жароҳатланганларнинг тезроқ соғайиб кетишини тилайман», – дейилади телеграммада.

Эслатиб ўтамиз, 14 августдан 15 августга ўтар кечаси Доғистон пойтахти Махачқалъа шаҳридаги ёқилғи қуйиш шохобчасида портлаш ва катта ёнғин содир бўлди.

Айни вақтда қурбонлар сони 27 кишига етгани хабар қилинмоқда.

Вайроналарни очиш ва одамларни қидириш ишлари давом этяпти.

Доғистонда 15 август мотам куни деб эълон қилинди.