Мадрид теннис турнири: Михаил Кукушкин иккинчи босқичга чиқди

MADRID. Kazinform – Қозоғистонлик теннисчи, дунёнинг 143-ракеткаси Михаил Кукушкин Мадридда (Испания) ўтказилаётган челленжер турнирининг иккинчи даврасига йўл олди.

Мусобақанинг 8-ракеткаси сифатида рўйхатдан ўтган М.Кукушкин дунё рейтингида 134-ўринни эгаллаб турган америкалик Николас Морено Де Альборан билан дастлабки учрашувни муваффақиятли ўтказди.

Биринчи партияда америкалик спортчи иккита, қозоғистонлик теннисчи эса учта брейкни амалга оширди ва сетда Кукушкин ғалаба қозонди – 6:4.

Иккинчи партияда ҳисоб 2:2 бўлиб турганида Михаил брейк қилишга муваффақ бўлди ва якунда ўз устунлигини қўлдан бой бермади – 6:4.

Бир ярим соатдан ортиқ давом этган учрашувда Кукушкин 12 та брейк-пойнтдан 4 таси ва 2 та эйсдан фойдаланди. Альборан 4 та эйс, 2 та брейк (9 брейк-пойнт) билан ажралиб турди.

Михаил Кукушкин чорак финалга чиқиш учун дунёнинг 182-рақамли германиялик Рудолф Моллекер ёки 229-ўриндаги доминиканлик Ник Хардт билан рақобатлашади.