Лицензион турнир: Айбек Оралбай ўзининг илк жангида Осиё чемпионини енгди
ASTANА. Кazinform - 92 кг вазн тоифасида Қозоғистон шарафини ҳимоя қилаётган боксчи Айбек Оралбай Италиянинг Бусто-Арсицио шаҳрида ўтказилаётган лицензион турнирда илк жангини ўтказиб, ғалаба қозонди.

Бу Айбек Оралбайнинг лицензион турнирдаги илк жангидир. У Осиё чемпиони, 2 карра жаҳон чемпионатининг чорак финалчиси ҳиндистонлик Санжит Санжитни яққол устунлик билан мағлуб этди.


Эслатиб ўтамиз, бироз аввал 51 кг вазн тоифасидаги баҳсларда иштирок этган жаҳон чемпиони Сакен Бибосинов 1/16 финалда кениялик спортчи Дэвид Каранча Мачарияни ҳакамларнинг якдил қарори билан мағлуб этганди.
Шунингдек, аёллар ўртасида 60 кг вазн тоифасида юрт шарафини ҳимоя қилаётган Римма Волосенко мазкур турнирдаги учинчи ғалабасини қўлга киритиб, чорак финалга йўл олди.
Ушбу турнирда эркаклардан олти нафар, аёллардан беш нафар қозоғистонлик боксчи Париж Олимпиадаси йўлланмаси учун курашмоқда. 3-12 март кунлари бўлиб ўтадиган лицензион турнирда эркаклар ўртасида 28 ва аёллар ўртасида 21 йўлланма ўйналади.