Қурултой: Вояга етмаган болали аёлларга нисбатан ҳуқуқий позициялар қайта кўриб чиқилиши мумкин

BÝRABAI. Kazinform - Миллий қурултойнинг IV йиғилишида Давлат раҳбари Қасим-Жомарт Тоқаев вояга етмаган болали аёлларга нисбатан ҳуқуқий позицияларни қайта кўриб чиқишни таклиф қилди.

“Таниқли ҳуқуқшунос Айман Омарова менга хат йўллади. У ўз мактубида мураккаб мавзуга тўхталиб, аёллар колониясидаги вазиятга эътибор қаратган. Ҳомиладор ва ёш болали аёллар ҳолидан хабар олинди. Мамлакатимизда жиноий судлов тизимининг мақсади жазо эмас, балки тузатиш бўлиши керак, деган фикрга қўшиламан. Озодликдан маҳрум этилганларнинг барчаси, хоҳ эркак, хоҳ аёл, қонун олдида тенг эканлиги аён”, - деди Давлат раҳбари.

Президентнинг таъкидлашича, барча фуқаролар қонун олдида тенг бўлса-да, вояга етмаган фарзанди бор аёлларнинг аҳволини ўйлаш зарур.

“Бироқ, менимча, вояга етмаган фарзанди бор аёлларга нисбатан маънавий-ахлоқий қадриятлардан келиб чиққан ҳолда, “Қонун ва тартиб” тамойилига амал қилган ҳолда айрим ҳуқуқий позицияларни қайта кўриб чиқиш мумкин. Ҳуқуқ-тартибот идоралари ва депутатлар бу масалани жиддий ва ҳар томонлама ўрганиб, қарорлар қабул қилиш бўйича тавсиялар беришлари керак”, - деди Қасим-Жомарт Тоқаев.

Эслатиб ўтамиз, аввалроқ Бурабай шаҳрида Президент Қасим-Жомарт Тоқаев иштирокида Миллий қурултойнинг IV йиғилиши бошлангани ҳақда хабар берган эдик.

Шунингдек, Президент уч йил ичида Қозоғистон янги типдаги давлатга айланганини таъкидлади.