ҚР Ҳукуматида ички бозорни ёқилғи-ёнилғи билан таъминлаш масаласи муҳокама қилинди
Бугун Ҳукумат Уйида Қозоғистон Бош вазири Алихан Смаилов ёқилғи-ёнилғи маҳсулотларини ишлаб чиқариш ва тақсимлаш масалалари бўйича йиғилиш ўтказди. Тегишли таклифлар Қозоғистон Президенти Қасим-Жомарт Тоқаевнинг ёқилғи-ёнилғи маҳсулотлари бозорини ислоҳ қилиш бўйича топшириғи доирасида Энергетика вазирлиги томонидан ишлаб чиқилган.
Энергетика вазири Болат Ақшолақов ички бозорга нефт етказиб бериш ва нефт маҳсулотларини сотиш схемасини қайта кўриб чиқиш бўйича қонунчиликка ўзгартиришлар киритишни таклиф қилди.
Мисол учун, қуйидаги ўзгартириш назарда тутилган: қайта ишлаш учун нефт тўғридан-тўғри ер қаъридан фойдаланувчилар, шунингдек, уларнинг ёрдамчи маркетинг тузилмалари томонидан етказиб берилади. Бундан ташқари, нефтни қайта ишлаш заводлари нефтни сотиб олиш ва самарасиз воситачиларни нефт маҳсулотларини сотишдан четлаштириш таклиф этилди.
Қишлоқ хўжалиги ишлаб чиқарувчиларини арзон дизел ёқилғиси билан таъминлаш масаласи ҳам кўриб чиқилди. Жумладан, бундай ёқилғининг мақсадли ажратилишини назорат қилиш мақсадида ҳудудий бўлинмада қишлоқ хўжалиги маҳсулотлари ишлаб чиқарувчилари тўғрисидаги маълумотлар базасини яратиш, ёқилғи тақсимотининг электрон ахборот тизимини жорий этиш кўзда тутилган. Энергетика вазири, шунингдек, мамлакатдан ёқилғи-ёнилғи маҳсулотлари оқимини чеклаш бўйича таклиф этилаётган чора-тадбирларни ҳам қайд этди. Хусусан, автомобил транспортида мамлакатдан ёқилғи-ёнилғи олиб чиқишни тақиқлашни узайтириш ва рухсатсиз ишлаб чиқариш учун жавобгарликни кучайтириш масаласи кўриб чиқилмоқда.
Йиғилишни якунлар экан, Бош вазир таклиф этилган ёндашувларни маъқуллади ва Энергетика вазирлигига уларни барча манфаатдор томонлар билан биргаликда ишлаб чиқиш бўйича топшириқ берди.
