ҚР Рақамли ривожланиш вазири: Сунъий интеллект қишлоқ жойларидаги беморларга ташхис қўяди

NUR-SULTAN. Kazinform - Қозоғистоннинг қишлоқ жойларида тиббиёт сифатини ошириш мақсадида сунъий интеллект беморларга ташхис қўяди. Бу ҳақда Қозоғистон Рақамли ривожланиш, инновациялар ва аэрокосмик саноат вазири Бағдат Мусин маълум қилди, дея хабар беради Kazinform.

Ушбу ўзгаришлар «Рақамлаштириш, фан ва инновациялар орқали технологик технологик сакраш» миллий лойиҳаси доирасида амалга оширилади.

– Aйни пайтда қишлоқ аҳолиси учун тиббий ва умумий таълим тизими сифати пасаймоқда. Яъни, сифатни ошириш учун билимли ўқитувчилар ва малакали шифокорлар керак. Шунинг учун тиббий муаммоларни ҳал қилиш учун диагностикани рақамли форматда ўтказишимиз керак. Масалан, биз бир қанча ҳудудларда тажриба лойиҳаларини амалга оширдик. Ҳамширага сунъий интеллект ёрдамида ўпка касаллиги ёки гинекологик касалликларни аниқлаш учун рентген аппарати олиб келиши кифоя. Қурилма тасвирини маълумотлар базасига юклаш ҳамда Нур-Султан, Алмати ёки бошқа шаҳарнинг малакали мутахассислари томонидан кўриш ва ташхис қўйиш мумкин. Иккинчидан, ҳатто сунъий интеллект ҳам расмни таҳлил қилиб, тавсиялар бериши мумкин. Келгуси беш йил ичида ушбу технологияларни жорий этишни режалаштирганмиз», — деди вазир Марказий коммуникациялар хизматида бўлиб ўтган матбуот анжуманида.

Вазирнинг сўзларига кўра, мактабларда болаларнинг китоб олиб юришига йўл қўймаслик учун кўпроқ рақамли технологиялар жорий этилмоқда, зарур материаллар рақамлаштирилмоқда.