ҚР Президентига Қозоғистон ва ЕИК ўртасидаги ҳамкорлик ҳақида маълумот берилди
Давлат раҳбари Евроосиё иқтисодий комиссияси ҳайъати раиси Бақитжан Сағинтаевни қабул қилди, деб хабар беради Kazinform агентлиги Ақордага таяниб.
Учрашувда Президент Қасим-Жомарт Тоқаев Бақитжан Сағинтаевни ЕИК Ҳайъати раиси лавозимига киришгани билан табриклади.
Давлат раҳбари ЕИК фаолиятининг устувор йўналишлари ва уни янада ривожлантириш истиқболлари, шунингдек, Қозоғистон ва ЕИК ўртасидаги ўзаро ҳамкорлик ҳолати тўғрисидаги маърузани тинглади.
Бундан ташқари, йиғилишда 2030 ва 2045 йилларга мўлжалланган “Евроосиё иқтисодий йўли” декларациясини амалга ошириш бўйича чора-тадбирлар режасини ишлаб чиқиш, шунингдек, шу йил май ойида Москвада бўлиб ўтадиган Олий Евроосиё иқтисодий кенгашининг юбилей йиғилишига тайёргарлик кўриш масалалари муҳокама қилинди.
