ҚР Президенти Туркманистон Президентини табриклади

NUR-SULTAN. Kazinform - Қозоғистон Президенти Қасим -Жомарт Тоқаев Президент Гурбангули Бердимуҳамедовга телеграмма юборди. Унда барча қозоғистонликлар ва ўзи номидан туркман халқини мустақилликнинг 30 йиллиги билан табриклади, деб хабар беради Ақорда матбуот хизмати.

- Бу тарихий сана шуни кўрсатадики, халқингиз миллат сифатида бирлашган ва бунёдкорлик руҳи баланд. Бу Туркманистон давлатчилиги ва барқарорлигини янада мустаҳкамлашда муҳим аҳамиятга эга. Сизнинг доно раҳбарлигингиз туфайли замонавий Туркманистон ижтимоий-иқтисодий модернизация ва бетараф давлат сифатида халқаро майдонда ўз мавқеини мустаҳкамлаш борасида катта ютуқларга эришди, - дейилади телеграммада.

Қасим-Жомарт Тоқаев, шунингдек, йиллар давомида Қозоғистон-Туркманистон стратегик ҳамкорлиги кўп асрлик дўстлик, яхши қўшничилик ва ўзаро қўллаб-қувватлаш руҳида ривожланиб бораётганини таъкидлади.

- Ушбу қутлуғ кунда сизга масъулиятли давлат хизматида ва қардош Туркманистон халқида муваффақиятлар тилайман, - дейилади телеграммада.