ҚР Президенти Садир Жапаров билан телефон орқали мулоқот қилди

ASTANA. Kazinform – Қасим-Жомарт Тоқаев Садир Жапаровни туғилган куни билан табриклади ва қирғиз халқи фаровонлиги йўлидаги масъулиятли давлат хизматида муваффақиятлар тилади.

Давлат раҳбари Қирғизистон Президентининг икки мамлакат ўртасидаги стратегик ҳамкорлик ва иттифоқчилик алоқаларини мустаҳкамлашга қўшган улкан ҳиссасини юқори баҳолади.

Суҳбат чоғида президентлар икки томонлама ҳамкорликнинг ривожланиш суръатларини қайд этиб, олий даражадаги келишувларни, жумладан Садир Жапаровнинг жорий йил 18-19 апрель кунлари Қозоғистонга расмий ташрифи чоғида эришилган келишувларни амалга оширишни муҳокама қилдилар.

Дўстлик ва яхши қўшничилик руҳида кучайиб бораётган маданий-гуманитар алоқаларни янада мустаҳкамлашга алоҳида эътибор қаратилди.