ҚР Президенти: «Фуқаро – бизнес – давлат» муносабатларини тубдан ўзгартирамиз

NUR-SULTAN. Кazinform - Конституциявий ислоҳот янги, адолатли Қозоғистонни яратиш йўлидаги жуда муҳим қадам бўлди. Бу ҳақда ҚР Президенти Қасим-Жомарт Тоқаев Қозоғистон халқига Мурожаатида айтиб ўтди, деб хабар беради Кazinform.

«Бу йил биз янги босқичга ўтдик. Халқимиз умумхалқ референдумида сиёсий модернизация йўналишини қўллаб-қувватлади. Конституциявий ислоҳот Янги, адолатли Қозоғистонни барпо этиш йўлидаги жуда муҳим қадам бўлди. Мамлакатимиздаги сиёсий тикланиш энди иқтисодий ўзгаришлар билан кечиши керак. «Фуқаро – бизнес – давлат» муносабатларини тубдан ўзгартирамиз. Давлат, энг аввало, ҳаммага тенг имкониятлар яратади, адолатни ўрнатади. Бу жамият манфаати йўлида юқори даражадаги хизмат кўрсатишни кафолатлайди»

, – деди Давлат раҳбари.

Қозоғистон Республикаси Президентининг сўзларига кўра, ижтимоий заиф тоифадаги фуқароларга ёрдам кўрсатилади.

«Биз имконияти чекланганларга ҳам ёрдам берамиз. Президент ҳузуридаги Омбудсман тайинланади. Давлат иқтисодий эркинликни қўллаб-қувватлайди. Аҳолини бозордаги беқарорлик таъсиридан ҳимоя қилади. Бу кичик ва ўрта бизнесни имкон қадар ривожлантиради»

, — деди Қасим-Жомарт Тоқаев.