ҚР Президенти Алмати шаҳар ҳокимлигининг қайта тикланган биносига ташриф буюрди
Давлат раҳбарининг Алмати шаҳрига амалий ташрифи дастури қайта тикланган шаҳар ҳокимлиги биносини зиёрат қилиш билан давом этди, деб хабар беради Каzinform агентлиги Ақорда матбуот хизматига таяниб.

Қасим-Жомарт Тоқаевга маълум қилинишича, реконструкция қилиш жараёнида замонавий материаллар ва технологиялар қўлланилган, бу эса ҳокимлик биносини анча тежамкор қилган. Бинонинг тарихий аҳамиятини инобатга олиб, унинг тарихий меъморий қиёфасини сақлаб қолишга қарор қилинди.

Айни пайтда 3 та павильон тўлиқ қуриб битказилди, уларда ўтган йилнинг октябрь ойидан буён 14 та бўлим ва шаҳар ҳокими девонлари жойлашган.
Шунингдек, Президентга ёнғиндан энг кўп жабрланган 4-павильонда ҳам ишлар давом этаётгани маълум қилинди. Юқори ҳарорат таъсирида гумбазнинг юк кўтариш қобилияти ва темир конструкцияси 100% га шикастланган, бунинг натижасида гумбазни тўлиқ демонтаж қилишга тўғри келган. Бугунги кунда янги тузилма ўрнатилди, бу аввалгисидан анча енгилроқ. Барча қурилиш ишларини жорий йилнинг февраль ойи охиригача якунлаш режалаштирилган.
