ҚР Қуролли Кучлари ҳарбий хизматчилари Беларусда ўтказилган қўл жанги чемпионатида ғолибликни қўлга киритди

Спорт
Фото: ҚР Мудофаа вазирлиги матбуот хизмати

Беларусь Қуролли Кучлари Махсус операциялар кучлари қўмондонлиги соврини учун армия қўл жанги бўйича ХI очиқ чемпионатида қозоғистонлик қўл жангчилари умумжамоа ҳисобида биринчи ўринни эгаллади, деб хабар беради Кazinform агентлиги ҚР Мудофаа вазирлиги матбуот хизматига таяниб.

Мусобақада 16 жамоада 112 нафар спортчи иштирок этди. Ҳарбий хизматчилар ўртасидаги жанглар етти вазн тоифасида бўлиб ўтди.

— Ҳарбий хизматчиларнинг жанговар маҳоратини ошириш, куч-қудрати, иродавий фазилатлари ва чидамлилигини ривожлантиришнинг самарали усули бўлган армия қўл жанги йил сайин оммалашмоқда. Қўл жанги бўйича очиқ чемпионатда муваффақиятли қатнашиш бунинг яққол тасдиғидир, — деди Қозоғистон Мудофаа вазирлиги спорт қўмитаси раиси – Марказий спорт клуби раҳбари, подполковник Арман Абеуов.

Спорт
Фото: ҚР Мудофаа вазирлиги матбуот хизмати

 

Қозоғистонлик спортчилар сержант Айдин Нуридинов, кичик сержант Олжас Ержан ва капитан Вадим Федосеев ўз вазн тоифаларида ғоят матонат ва ирода намойиш этиб, чемпионликни қўлга киритди. Лейтенант Арман Ерменбет иккинчи ўринни эгаллади.

Спорт
Фото: ҚР Мудофаа вазирлиги матбуот хизмати

 

Мусобақа якунларига кўра, Қозоғистон Қуролли Кучлари жамоаси умумжамоа ҳисобида биринчи ўринни эгаллади.

Сўнгги хабарлар