ҚР Ҳукумати Air Astana компаниясининг IPOсини муҳокама қилди

ASTANA. Kazinform – ҚР Бош вазири Алихан Смаилов раислигида бўлиб ўтган Иқтисодиётни модернизация қилиш бўйича давлат комиссиясининг йиғилишида Air Astana авиакомпаниясини IPOга чиқариш масаласи муҳокама қилинди. Бу ҳақда Қозоғистон Республикаси бош вазирининг расмий ахборот ресурси хабар берди.

Проведение IPO авиакомпании Air Astana обсудили в Правительстве
Фото: ҚР Бош вазирининг сайти

Қайд этилишича, IPO жорий йилда 2021-2025 йилларга мўлжалланган Хусусийлаштиришнинг комплекс режасини амалга ошириш доирасида ўтказилиши керак.

Бугунги кунда “Самрук-Қазна” АЖ ва Air Astana компанияси халқаро маслаҳатчилар билан ҳамкорликда кенг қамровли тайёргарлик ишларини олиб борди.

Йиғилишда муҳокама қилинган асосий масала жорий йилнинг 29 январидан 8 февралига қадар бўлиши режалаштирилган компаниянинг битта оддий акцияси ва битта глобал депозитар тилхатига ариза бериш жараёнини бошлаш учун нарх оралиғини аниқлашдан иборат.

Таъриф: IPO (Initial Public Offering) – инвестицияларни жалб қилиш мақсадида компания акцияларини фонд биржасига дастлабки жойлаштириш. IPO пайтида компания ўз акцияларини оммавий равишда чиқаради, уни институционал инвесторлар ҳам, индивидуал инвесторлар ҳам сотиб олишлари мумкин.

Сўнгги хабарлар