ҚР Бош вазири янги Бюджет кодекси лойиҳасини ишлаб чиқишни топширди

None
NUR-SULTAN. Кazinform – Бугун Ҳукумат йиғилишида Қозоғистон Республикаси Бош вазири Алихан Смаилов янги Бюджет кодекси лойиҳасини ишлаб чиқиш бўйича топшириқ берди, деб хабар беради Кazinform мухбири.

«Янги Солиқ кодекси давлатнинг ижтимоий-иқтисодий сиёсатини амалга оширишнинг асосий воситаси бўлиб, мавжуд вазият чақириқларига ўз вақтида жавоб бериш имконини тақдим этиши керак. Фискал сиёсатни янада такомиллаштириш тадбиркорлик фаоллигини рағбатлантириш, инвестиция жозибадорлигини ошириш, солиқ солинадиган базани кенгайтириш ва бюджетнинг даромад қисмини мустаҳкамлаш, солиқ маъмуриятчилигининг тушунарли, аниқ ва шаффоф тартиб-қоидаларини ўрнатишга қаратилган бўлиши керак», - деди у.

Алихан Смаилов янги Солиқ кодексини «Атамекен» Миллий тадбиркорлар палатаси билан ҳамкорликда экспертлар ва бизнес вакиллари иштирокида ишлаб чиқиш зарурлигини таъкидлади.

«Бундан ташқари, Давлат раҳбари томонидан бюджет тизимини янада ислоҳ қилиш бўйича қатор топшириқлар берилди. Ҳукумат бюджетни режалаштиришни ислоҳ қилиш бўйича тегишли ишларни амалга оширмоқда. Шу билан бирга, Давлат раҳбари томонидан бюджет жараёнларини соддалаштириш, бюджетни режалаштириш жараёнида чегаравий стандартларни тасдиқлаш, бюджет хатарларини бошқариш тизимини жорий этиш, ҳудудларнинг молиявий мустақиллигини ошириш бўйича аниқ вазифалар белгилаб берилган. Бу чора-тадбирлар амалга оширилаётган бюджет сиёсати самарадорлигини ва давлат харажатлари самарадорлигини сифат жиҳатидан ошириш имконини бермоқда. Шу муносабат билан Миллий иқтисодиёт ва Молия вазирликлари зудлик билан мазкур вазифаларни ҳуқуқий жиҳатдан тасдиқлаш масаласини ишлаб чиқсин ва янги Бюджет кодекси лойиҳасини ишлаб чиқсин», — деди Ҳукумат раҳбари.

Фото: t.me/KZgovernmet

Муаллиф: Марлан Жиембай

Сўнгги хабарлар