ҚР Бош вазири ўринбосари Президентга қозоғистонликларнинг иш ҳақини кўтариш ҳақида маълумот берди
Президентга аҳоли даромадларини ошириш дастури ижроси ҳақида маълумот берилди.
Ерали Тоғжанов Қасим-Жомарт Тоқаевга маълум қилишича, иш ҳақи ошиши 1 миллиондан ортиқ бюджет сектори ходимлари ва квазидавлат сектори ишлаб чиқариш ходимларини қамраб олади. Шунингдек, тадбиркорлик бўйича мажбуриятлар белгилаб, давлат ёрдамини олаётган йирик тадбиркорлик субъектларининг 2,8 миллион нафар ходимларининг даромадларини ошириш кўзда тутилган.
Давлат раҳбарига иқтисодиётнинг фармацевтика, биотехнологиялар, IТ-технологиялар ва нефт-кимё саноати каби турли тармоқларида инвестиция лойиҳаларини амалга ошириш орқали тадбиркорлик субъектлари даромадларини ошириш, шунингдек, янги иш ўринлари яратиш бўйича Ҳукумат режаси ҳақида маълумот берилди.
Бош вазир ўринбосарининг таъкидлашича, аҳолининг кам таъминланган қатламларини қўллаб-қувватлаш чоралари кўрилмоқда. Масалан, «Бахтли оила» лойиҳаси доирасида кўп болали ва имконияти чекланган болаларни тарбиялаётган 20 минг нафар хотин-қиз иш билан таъминланади. Ёшларни иш билан таъминлаш учун «Ёшлар амалиёти» ва «Биринчи иш» лойиҳалари амалга оширилиб, 400 ойлик ҳисоб кўрсаткичигача грантлар ажратилади.
Йиғилиш якунида Президент аҳоли даромадларини ошириш муҳимлигини таъкидлаб, Ҳукуматга бу масалани алоҳида назоратга олишни топширди.
