ҚР Бош вазири Aсқар Мамин мамлакат хоккей федерацияси президенти этиб қайта сайланди
Aнжуманда Ижроия қўмитаси аъзолари, вилоят бўлимлари, хоккей клублари ва болалар ва ўсмирлар спорт мактаблари раҳбарлари иштирок этди.
Тадбирда ҚХФ президентининг 2016-2021 йиллардаги фаолияти тўғрисидаги ҳисоботи, федерация устави ва низомлари, штат тузилмаси, бошқарув ва назорат органларини сайлаш масалалари кўриб чиқилди. Конференция иштирокчиларининг бир овоздан қабул қилинган қарори билан Aсқар Мамин Қозоғистон хоккей федерацияси президенти этиб қайта сайланди.
A. Мамин ўз нутқида ҳозирда Қозоғистон эркаклар терма жамоаси жаҳон рейтингида 19-ўриндан 13-ўринга кўтарилганини таъкидлади. Шу вақт ичида Қозоғистон терма жамоалари 19 та жаҳон чемпионати, Қишки Осиё ўйинлари, иккита Жаҳон қишки Универсиадаси, Олимпия ўйинлари саралаш турнирларида қатнашиб, 14 та медаллар жамланмасини қўлга киритди.
ҚХФ президенти хоккей лигалари, жумладан, ёшлар, аёллар ва ҳаваскорлар лигалари ривожланишининг юқори суръатлари, чемпионлик унвони ва Қозоғистон Республикаси кубоги учун рақобат кучайганини таъкидлади.
Болалар ва ўсмирлар хоккейини ривожлантиришда ижобий тенденция кучаймоқда. Мамлакатда 30 та хоккей мактаби мавжуд бўлиб, уларда 269 нафар мураббий ишлайди. Жамоалар ва ўйинлар сони ортиб бормоқда. Ўтган даврга нисбатан хоккей билан шуғулланувчи болалар сони 32 фоизга ошган – 7,3 мингдан ортиқ.
Бугунги кунда Қозоғистонда 34 та ёпиқ муз ареналари ва модуллари мавжуд. Яқин келажакда Павлодарда муз модули ва Қостанайда муз аренасини очиш режалаштирилган.
2022 йил январ ойида хоккейчиларни тайёрлаш бўйича «JAS NOMAD» республика дастурининг биринчи блокини ва Salem Hokei лойиҳасини ишга тушириш режалаштирилган. Унинг мақсади болаларни спортга жалб қилишдир. Бугунги кунда веб-сайт, мобил илова ишлаб чиқилди, кийим-кечак, жиҳозлар харид қилинди. Улар ҳафта охирида хоккей лойиҳасида иштирок этувчи хоккей мактабларига топширилади.
Келгусида Федерация томонидан ҳудудларда хоккейни ривожлантириш, Хоккейчиларни Болалар ва ўсмирлар хоккей мактабидан Ёшлар хоккейи ва Профессионал хоккейгача тайёрлаш бўйича тўлақонли клуб тизимини яратиш, аёллар хоккейи географиясини кенгайтириш, ҳудудларда янги хоккей мактабларини очишга кўмаклашиш, Қизилўрда, Чимкент, Aтирау ва Aқтау шаҳарларида ёшлар хоккей клублари, Оралда касбий клубнинг очилишида кўмаклашиш ишлари кучайтирилади.
