Қозоғистоннинг доимий вакили БМТ Бош котибига ишонч ёрлиқларини топширди

ASTANA. Kazinform - Қозоғистоннинг БМТдаги доимий вакили Ақан Рахметуллин БМТнинг Нью-Йоркдаги штаб-квартирасида БМТ Бош котиби Антониу Гутерришга ишонч ёрлиқларини топширди. Бу ҳақда Қозоғистон Ташқи ишлар вазирлигига таяниб, Kazinform хабар бермоқда.

«Учрашув чоғида Бош котиб Қозоғистон ва БМТ ўртасидаги глобал кун тартибидаги барча долзарб масалалар бўйича ҳамкорлиги юқори эканлигини таъкидлади.

А.Гутерриш Қозоғистоннинг глобал қуролсизланиш, динлараро мулоқотни илгари суриш, Барқарор ривожланиш мақсадларини амалга ошириш ва денгизга чиқиш имкони бўлмаган ривожланаётган мамлакатлар манфаатларини таъминлашда етакчилиги билан танилган БМТнинг ишончли ҳамкори сифатидаги ролини алоҳида таъкидлади. Шунингдек, Қозоғистон Президенти Қасим-Жомарт Тоқаев раҳбарлигида мамлакатда амалга оширилаётган кенг кўламли ислоҳотларни юксак баҳолади.

Учрашув якунида томонлар Қозоғистон ва БМТ ўртасидаги амалий ҳамкорликни янада кенгайтириш муҳимлигини тасдиқладилар», — дейилади вазирлик хабарида.

Фото: gov.kz