Қозоғистоннинг бир қатор ҳудудларида кучли шамолли об-ҳаво кузатилади

ASTANA. Kazinform - 19-ноябр куни республиканинг тўққизта ҳудудида қор бўрони, туман тушиши ва яхвонлик кутилмоқда, дея хабар бермоқда Kazinform «Қазидромет» РДКга таяниб.

Шимолий Қозоғистон вилоятининг ғарб, жануб ва шарқида қор бўрони кутилмоқда. Кечаси ва эрталаб вилоят ғарбида туман тушиши мумкин. Шамол ғарб, шимоли-ғарбий йўналишлардан эсади, кундузи аксарият ҳудудларда 15-20 м/сгача етади. Петропавл шаҳрида 19 ноябр куни кундузи ғарб, шимоли-ғарбдан 15-20 м/с тезликда шамол эсади.

Манғистау вилояти маркази, шимоли-ғарб, жанубида туман тушиши мумкин.

19 ноябр куни кечаси ва эрталаб Ғарбий Қозоғистон вилоятининг шимоли, шарқида туман тушиши, яхвонлик ҳосил бўлиши мумкин. Шамол жануби-шарқдан шимоли-ғарбга ўтади, кечаси вилоят шимоли-ғарбида 15-20 м/с тезликда эсади. Оралда кечаси ва эрталаб туман тушиши, яхвонлик ҳосил бўлиши мумкин.

Ақмўла вилояти шимол, шарқ ва марказида қор бўрони бўлиши кутилмоқда. Минтақанинг шимолида, шарқида - туман. Шамол жануби-шарқдан шимоли-ғарбга ўтади, кундузи вилоятнинг шимоли-шарқида 15-20 м/с тезликда эсади.

19 ноябр куни кечаси ғарбда, шимолда, кундузи Ақтўбе вилоятининг шимолида, шарқида яхвонлик ҳосил бўлиши кутилмоқда. Ақтўбеда 19 ноябр куни вақти-вақти билан яхвонлик кутилмоқда.

19 ноябр куни кечаси Туркистон вилоятининг тоғли ҳудудларида вақти-вақти билан кучли ёғингарчилик (ёмғир, қор) бўлиши кутилмоқда. Вилоятнинг ғарб, жануб, тоғли ва тоғолди ҳудудларида туман тушади. Шамол жануби-ғарбдан тоғ довонларида 15-20 м/с тезликда эсади. Чимкентда 19 ноябрга ўтар кечаси вақти-вақти билан туман тушиши кутилмоқда. Туркистонда 19 ноябрга ўтар кечаси вақти-вақти билан туман тушиши кутилмоқда.

19 ноябр куни кундузи Павлодар вилоятининг шимоли, ғарбида қор ёғиши кутилмоқда. Шамол жануби-ғарбдан 15-20 м/с тезликда эсади.

Жамбил вилоятининг жануб ва тоғли ҳудудларида туман тушиши мумкин. Шамол жануби-шарқдан жануби-ғарбга ўтиб, вилоятнинг жануби-ғарб, шимоли-шарқ, тоғли ҳудудларда 15-20 м/с тезликда эсади, кундузи 23 м/с тезликда эсади. Таразда 19 ноябр куни кечаси ва эрталаб туман тушиши кутилмоқда. Шамол жануби-шарқдан жануби-ғарбга ўтади, эрталаб ва кундузи 15-20 м/с тезликда эсади.

Қостанай вилоятининг шимолий ярмида қор ёғиб, қор бўрони бўлиши кутилмоқда. Вилоят жанубида туман, яхвонлик. Шамол жануби-ғарбдан шимолга ўтиб, ғарб ва вилоят шимолидан 15-20 м/с тезликда эсади.