Қозоғистоннинг “Айқай” фильми Испаниядаги ImagineIndia кинофестивалида совриндор бўлди
ASTANA. Kazinform - Қозоғистоннинг “Айқай” (ҳайқириқ)фильми Испанияда бўлиб ўтган ImagineIndia халқаро кинофестивали лауреати бўлди. Фильм фестивалда тақдим этилган 70 та асарни ортда қолдириб, “Энг яхши сценарий” номинациясида мукофотга сазовор бўлди. Бу ҳақда Кazinform агентлиги ҚР Маданият ва ахборот вазирлиги матбуот хизматига таяниб хабар беради.
Фильм ҚР Маданият ва ахборот вазирлиги, шунингдек, Миллий кинони қўллаб-қувватлаш маркази кўмагида яратилган.
"Айқай" Семей ядровий полигонининг қурбонлари тақдири ва кўплаб одамларнинг ҳаётида ўчмас из қолдирган ядровий портлашларнинг оқибатлари ҳақида сўзлайди. Фильмда кўтарилган мавзу томошабинларда ҳам, танқидчиларда ҳам катта резонансга сабаб бўлди ва бу фильмнинг 23-маротаба ўтказилаётган фестивалда муваффақият қозонишига хизмат қилди.
Фильм режиссёри Кенжебек Шайқақов бўлиб, суратга олиш ишлари Абай вилоятининг Аягўз туманидаги хушманзара Шинғўжа қишлоғида бўлиб ўтди. Бош ролларни истеъдодли қозоқ актёрлари: Ўринбек Шаймағанбетов, Арнур Акрам, Ерболат Алқожа, Бейнур Баймуҳамбетов, Ерлан Малаев, Айбек Иманқулов ва Айғаним Нурсултан ижро этган.
ImagineIndia кинофестивали Осиё давлатлари, Ҳиндистон яримороли, Испания ва Европа Иттифоқи ўртасидаги ҳамкорликни мустаҳкамлашга қаратилган муҳим маданий тадбирдир.
- “Айкай” фильмининг муваффақияти маданий алмашинувнинг муҳимлигини таъкидлаб, ижтимоий ва экологик муаммоларга оид ҳикояларни трансляция қилиш муҳимлигини кўрсатади, — дея қўшимча қилди ҚР Маданият ва ахборот вазирлиги.
