Қозоғистонликларнинг пенсия жамғармалари ҳажми қанчага ошди

ASTANА. Kazinform - Қозоғистон Республикаси Миллий банки пенсия жамғармалари ўсишининг ижобий динамикасини эълон қилди, дея хабар беради Каzinform мухбири.

«Ягона жамғариб бориладиган пенсия фондининг пенсия активлари ижобий динамикани намойиш этмоқда. Йил бошидан буён 14,6 фоизга ўсиб, 16,8 триллион тенгега етди. Жорий йил бошидан буён инвестиция даромадлари ҳажми 1,1 триллион тенгени ташкил этди. Пенсия бадаллари 1,4 триллион тенгени, муддатидан олдин ечиб олиш эса 164,8 миллиард тенгени ташкил этди», — деди Миллий банк раиси Тимур Сулейменов.

Умуман, ташқи ва ички бозордаги вазият барқарор.

«Миллий банк макроиқтисодий барқарорликни таъминлаш ва инфляция даражасини пасайтириш бўйича зарур чораларни кўришда давом этмоқда», — дея қўшимча қилди Миллий банк раиси.

Муаллиф: Азамат Сиздиқбаев