Қозоғистонликлар ҳинд штаммидан қўрқишлари керакми - ҚР ССВ жавоби

NUR-SULTAN. Kazinform – ҚР Соғлиқни сақлаш вазири Алексей Цой Қозоғистонда коронавируснинг ҳинд штаммидан ҳимоя қилиш бўйича қандай чоралар кўрилаётганини айтиб берди, деб хабар беради Kazinform мухбири.

«Биласизми, ҳозирда Ҳиндистондан тўғридан-тўғри рейслар мавжуд эмас. Бундан ташқари, бизда бош санитария врачининг Ҳиндистондан келганларнинг барчаси изоляция қилиниши ва 14 кун давомида шифокорлар назорати остида бўлиши кераклиги тўғрисида қарори бор», - деди Алексей Цой Сенатнинг ялпи мажлисида депутатларнинг саволларига берган жавобида.

Унинг сўзларига кўра, ушбу чора манфий ПЗР тести мавжуд бўлса ҳам зарур.

«Бундан ташқари, ҳинд, британ ёки бошқа турдаги барча штаммлар ПЗР тестларига сезгир. Энди ПЗР диагностикаси ёрдамида КВИ учун манфий тестисиз мамлакатга учиш тақиқланади. Айни пайтда Қозоғистонда ҳинд штамми аниқланмаган, аммо биз ҳар ойда бундай текшириларни амалга оширмоқдамиз», - дея ишонтирди вазир.

Бу саволга ҚР Бош вазирининг ўринбосари Ерали Тоғжанов ҳам жавоб берди.

«Ҳиндистон штаммига келсак, биз нафақат Ҳиндистонда, балки Мальдив оролларида ҳам чекловлар қўйдик. Бугунги кунда Ҳиндистон-Мальдив ороллари ўртасида алоқа мавжуд, шунинг учун 1000 га яқин фуқаро Мальдив оролларида, биз бу томондан барча парвозларимизни тўлиқ чеклаб қўйдик, чунки биз барча чораларни кўришимиз ва ҳинд штаммининг Қозоғистонга олиб келинишига йўл қўймаслигимиз керак», - дея хулоса қилди у.

Муаллиф: Азамат Сиздиқбаев