11:05, 02 Январь 2022 | GMT +5
Қозоғистонлик теннисчининг Аделаида турниридаги рақиби маълум бўлди
NUR-SULTAN. Kazinform – Қозоғистоннинг биринчи ва дунёнинг 14-ракеткаси Елена Рибакинанинг Аделаида (Австралия) WТА 500 турниридаги рақиби аниқланди, дея хабар беради Kazinform мухбири.

Австралия очиқ чемпионати арафасидаги турнир 3 -9 январ оралиғида бўлиб ўтади.
Э.Рибакина биринчи босқичда мусобақага махсус таклифнома олган ва дунё рейтингида 132-ўринни эгаллаб турган австралиялик Сторм Сандерс билан учрашади.
Биринчи босқичда ўтган йилги Индиан-Уэллс турнири финалчилари испаниялик Паула Бадоса ва беларусьлик Виктория Азаренко ҳам куч синашади.
Дунёнинг биринчи ва иккинчи ракеткалари австралиялик Эшли Барти ва яна бир беларусьлик Арина Соболенко мусобақани иккинчи даврадан бошлайди.
Йилнинг илк турнирида бошқа таниқли теннисчилар ҳам баҳс олиб боришади.
Айни пайтда турнирнинг саралаш баҳслари бўлиб ўтмоқда.
Муаллиф: Елжан Ерали