Қозоғистонлик теннисчи қаторасига 17 учрашувда ғалаба қозонди

ASTANA. Kazinform – Қозоғистонлик теннисчи, дунёнинг 309-ракеткаси Дмитрий Попко Тукуман (Аргентина) ITF турнирининг чорак финалига чиқди.

Мусобақанинг 3-ракеткаси сифатида қайд этилган қозоғистонлик теннисчи дастлаб жаҳон рейтингида 1855-ўринни эгаллаб турган аргентиналик Гонсало Сеитунени 6:1, 6:3 ҳисобида мағлуб этди.

Д.Попко иккинчи даврада 1322-ўринни эгаллаб турган Перу вакили Педро Ямачкинени мағлуб этди - 6:1, 6:1.

Дмитрий Попко ярим финалга чиқиш учун дунёнинг 609-ракеткаси, боливиялик Хуан Карлос Прадо Анхело билан куч синашади.

Бунгача АҚШнинг Флорида штатида бўлиб ўтган учта ITF турнирида ғолиб чиққан Д.Попко кетма-кет 17 учрашувда ғалаба қозонган.