Қозоғистонлик талабалар халқаро олимпиада ғолиби бўлишди

QARAǴANDY. Kazinform - Қарағанди Тиббиёт университети талабалари Жангул Женис ва Aсил Aршкеновга «Тиббиёт моҳирлари» амалий маҳорати бўйича I Халқаро олимпиада ғолиблари дипломлари топширилди. Тадбир Тошкент Тиббиёт академияси томонидан ташкил этилди, деб хабар беради Kazinform мухбири.

Олимпиадада МДҲ давлатларининг тиббиёт олий ўқув юртларидан 14 та жамоа иштирок этди. Ҳакамлар ҳайъати соғлиқни сақлаш тизимида фаолият юритувчи юқори малакали мутахассислар, ЖССТ ва ЮНЕСКО мутахассисларидан иборат эди.

Кўрик-танлов иштирокчилари академиянинг симуляция марказидаги «Симуляторда (виртуал бемор) масалаларни ечиш», «Симуляторда шошилинч тиббий ёрдам кўрсатиш кўникмалари» ва «Қўл билан ишлаш кўникмаларини намойиш этиш» каби станцияларда амалий кўникмаларини намойиш этди.

Ҳакамлар бир овоздан Қарағанди академик бакалавриат йўналиши 3-курс талабаларининг «Ҳамширалик иши» йўналиши бўйича билим ва кўникмаларини юқори баҳоладилар.

«Энг билимдон» номинациясида Жангул Женис, «Энг мақсадли» номинациясида Aсил Aршкенов энг яхши деб топилди. Умумжамоавий баҳсларда улар кўплаб рақибларини ортда қолдириб, «Энг алоҳида жамоа»га айланишди.

«Бир нарсани аниқ айта оламан: ғалаба қозониш осон бўлмади. Рақиблар жуда кучли ва фақат ғалаба қозонишни хоҳлашди. Мен учун энг қийин ва эсда қоларли лаҳза виртуал бемор билан ишлаш бўлди», — деди Aсил Aршкенов.

Жангул Жениснинг сўзларига кўра, олимпиада кўплаб янги ва қизиқарли нарсаларни ўрганиш, тажриба орттириш имконини берди.

Муаллиф: Aгата Муҳамеджанова