Қозоғистонлик Самат Смақов Қирғизистон президенти билан бир жамоада «Барселона» фахрийларига қарши майдонга тушади
Қирғизистон президенти Садир Жапаров Бишкекда бўлиб ўтадиган ўртоқлик учрашувида Испаниянинг «Барселона» клуби фахрийларига қарши майдонга тушади», — дея президент маъмурияти ахборот сиёсати хизмати раҳбари Дайирбек Ўрунбековнинг сўзларидан иқтибос келтиради Kabar агентлиги.
Учрашув 30 август куни Долон Омурзоқов номидаги стадионда бўлиб ўтади, соат 20:00да бошланади.
Қозоғистонлик футбол фахрийлари Самат Смақов ва Андрей Карпович Қирғизистон раҳбари қўшилган «Осиё афсоналари» жамоаси таркибида. Унда Хитой, Туркманистон, Япония, Тожикистон ва Ўзбекистондан ҳам таниқли спортчилар иштирок этади. Улар Роналдиньо ва Ривалдо каби футбол юлдузларига қарши ўйнашади.
«Барселона»дан 10 нафар футболчининг номи маълум:
1. Испаниялик дарвозабон Альберт Хоркера;
2. Испаниялик ҳимоячи ва «Барселона»нинг собиқ сардори Карлес Пуйоль;
3. Бразилиялик ҳимоячи Жулиано Белетти;
4. Нидерландиялик ярим ҳимоячи Эдгар Давидс;
5. Италиялик ҳимоячи Франческо Коко;
6. Франциялик ярим ҳимоячи Людовик Жюли;
7. Нидерландиялик ярим ҳимоячи Рональд де Бур;
8. Бразилиялик ҳужумчи ва ярим ҳимоячи Роналдиньо;
9. Бразилиялик ҳужумчи ва ярим ҳимоячи Ривалдо;
10. Аргентиналик ҳужумчи Хавьер Савиола.
11-футболчи ким бўлиши ҳозирча маълум эмас. Бу «Барселона» президенти Жоан Лапорта бўлиши мумкин.
«Осиё афсоналари» нинг таркиби тўлиқ маълум:
1. Қозоғистон марказий ҳимоячиси Самат Смақов;
2. Хитойлик ҳимоячи Фань Чжии;
3. Қирғизистонлик ҳимоячи Руслан Сидиқов;
4. Совет ва туркман универсал футболчиси Амандурди Аннадурдиев
5. Япониялик ярим ҳимоячи Хидэтоси Наката;
6. Совет, тожик ва россиялик ярим ҳимоячи Муҳсин Муҳамадиев;
7. Совет ва Россия терма жамоаси ярим ҳимоячиси Андрей Канчельскис;
8. Совет ва ўзбекистонлик ярим ҳимоячи Миржалол Қосимов;
9. Қозоғистонлик ярим ҳимоячи Андрей Карпович;
10. Қирғизистонлик ҳужумчи Хуршит Лутфуллаев;
11. Қирғизистон президенти Садир Жапаров.
