Қозоғистонлик нокаутчи супероғир вазнда WBA титули учун жанг ўтказади

NUR-SULTAN. Kazinform – Мағлубият нималигини билмай келаётган қозоғистонлик супероғир вазн тоифасидаги боксчи Жан Кособуцкийнинг (14-0, 13 КО) навбатдаги жангининг санаси маълум бўлди, деб хабар беради Sports.kz.

BoxRec.com хабарига кўра Кособуцкий 20 феврал куни Германиянинг Гамбург шаҳрида рингга қайтади. Унинг рақиби 38 ёшли чехиялик Павел Соур бўлади (13-3, 8 КО). 12 раундга мўлжалланган жанг супероғир вазн тоифасида бўш бўлган WBA International камари учун ўтказилади.

Кособуцкийнинг шу кунгача сўнгги жанги ўтган йилнинг 4 августида Беларусь пойтахти Минскда бўлиб ўтди ва у ўнинчи раундда поляк боксчиси Камил Соколовскини (10-20-2, 4 КО) нокаутга учратди. Ҳозирда қозоғистонлик боксчи IBO Inter-Continental камарига эга.