Қозоғистонлик ўқувчилар АҚШда робототехника бўйича ўтказилган чемпионатда ғолиб бўлди

ASTANA. Kazinform – Қарағанди вилоятидаги «Мурагер» ихтисослаштирилган мактаб-интернати ва Чимкентдаги Назарбаев интеллектуал мактаби ўқувчилари Массачусетс штатида ўтказилган US Open FIRST LEGO League халқаро чемпионатида бронза медали соҳиби бўлди. Танловда дунёнинг 20 давлатидан 700 дан ортиқ талаба иштирок этди, дея хабар беради Kazinform.

Чимкент жамоаси «Innovation Project» номинациясида кучли учликка кирди. Улар ҳакамлар ҳайъатига шамол генераторлари ва қуёш панелларидан ортиқча энергияни электр энергиясига айлантириш ва уларни тежаш лойиҳасини тақдим этди. Қарағанди жамоаси Champions Award асосий номинацияда бронза медалини қўлга киритди.