Қозоғистонлик ёш теннисчилар халқаро турнирларда муваффақият қозонишди

NUR-SULTAN. Kazinform – Қозоғистонлик ёш теннисчилар Tennis Europe ва ITF Juniors турнирларида муваффақиятли иштирок этди, деб хабар беради Kazinform мухбири.

Қозоғистон теннис федерацияси хабарига кўра, Душанбе шаҳрида 18 ёшгача бўлган ёшлар ўртасидаги ITF Juniors турнирининг жуфтлик баҳсларида Виталий Зацепин ғалаба қозонди.

В. Зацепин сингапурлик Максимус Вонг билан биргаликда мусобақанинг биринчи ракеткалари, ўзбекистонлик Бобур Мадаминов – Бобур Яқубжоновни 6:3, 7:6 (7:5) ҳисобида мағлуб этди.

Яккалик баҳсларида яна бир қозоғистонлик Олег Гусаков финалга чиқди ва ҳал қилувчи баҳсда россиялик Максим Гончаровга имкониятни бой берди – 4:6, 2:6.

Германиянинг Регенсбург шаҳрида 12 ёшгача бўлган ўсмирлар ўртасидаги биринчи тоифадаги турнирда Роберт Каминский финалда Лиан Бинартни мағлуб этди – 6:4, 6:3. Бу - Робертнинг биринчи халқаро унвони.

Регенсбург шаҳрида 16 ёшгача бўлган ўсмирлар ўртасида София Исакова ва Анастасия Кримкова финалда украиналик Полина Семенюк ва Анастасия Сорскани 6:2, 6:3 ҳисобида мағлубиятга учратиб, чемпион бўлди.

Черногорияда 12 ёшгача бўлган ўсмирлар ўртасидаги иккинчи тоифадаги мусобақада Амина Нурмахан финалга йўлланма олди. Бироқ ўзини ноқулай ҳис қилгани боис, якуний тестга бора олмади.

Ереванда 14 ёшгача бўлган ўсмирлар ўртасидаги учинчи тоифадаги Tennis Europe мусобақасининг финалида Ярослав Пшеничний ва Олжас Есенали россиялик Иван Молгин ва арманиялик Давид Погосянни мағлуб этди – 4:6, 7:5, 6:10.

Қизлар ўртасида Альбина Какенова россиялик Виктория Острюх билан бирга бир беллашувда грузиялик Тео Чая ва россиялик Рада Золотаревадан устун кела олмади – 3:6, 6:7 (5:7).

Муаллиф: Ғайсағали Сейтақ