Қозоғистонлик Бекман Сойлибаев Туркияда “Тайсон”ни мағлуб этди
Қозоғистонлик боксчи Бекман Сойлибаев (17-1, 8 КО) ўзбекистонлик “Кичик Тайсон” лақабли Мирзамуҳаммад Ҳикматуллаевга қарши жанг ўтказди. Бу ҳақда Kazinform агентлиги Sports.kzга таяниб хабар беради.

10 раундга мўлжалланган баҳс Туркиянинг Трабзон шаҳрида бўлиб ўтди ва ақл бовар қилмайдиган тарзда якунланди.
Иккинчи раундда М. Ҳикматуллаев елкасидан жароҳат олди, раунд охирига келиб унинг аҳволи оғирлашди ва ниҳоят боксчи ҳакамга жангни тўхтатиши ҳақида ишора қилди. Бироқ ҳакам ўзбекистонликнинг талабини эътибордан четда қолдирди ва Сойлибаевнинг бошига берган оғир зарбаларини қабул қилиб, иккинчи марта қўлини кўтарганида ҳам эътиборсиз қолдирди. Тушуниб бўлмайдиган вазият давом этди, ўзбекистонлик спортчининг секундантлари сочиқни рингга ташлаганида, ҳакам уни яна уларга ташлади. Шу тариқа боксчиларнинг жанги давом этди. Ўзбекистонлик мураббийлар ўз боксчиларини раунд охиридагина қутқариб қолишди.
Бекман Сойлибаев учун бу профессионал боксдаги 18-ғалабаси бўлди. Мирзамуҳаммад Ҳикматуллаев эса олтинчи марта мағлубиятга учради.
Б. Сойлибаев WBA Inter-Continental чемпиони ҳисобланади, камарни ўтган йили қўлга киритган.