Қозоғистонда йиллик қуввати 500 минг тонна бўлган полипропилен заводи ишга туширилади

NUR-SULTAN. Kazinform – Жорий йилда йиллик қуввати 500 минг тонна бўлган полипропилен заводи ишга туширилади. Бу ҳақда бугун Ҳукумат йиғилишида ҚР Энергетика вазири Болат Ақшолақов маълум қилди, дея хабар беради Kazinform мухбири.

«Нефт-газ ва кимё саноатида 2021 йилда Чимкент шаҳрида қуввати 57 минг тонна октанли қўшимчалар ишлаб чиқариш заводи ҳамда 54 миллион куб метр техник газ ва 34 миллион куб метр қуруқ сиқилган ҳаво ишлаб чиқарувчи қурилмаси ишга туширилди. Шундай қилиб, мамлакат нефт-кимё мойлари, полипропилен, метил-терт-бутил эфир, октанли қўшимчалар, бензол ва параксилол маҳсулотлари билан таъминланади. Шу билан бирга, нефт-кимё ва кимё маҳсулотлари импортининг улуши ҳамон юқорилигича қолмоқда», - деди вазир.

Унга кўра, бу масалани ҳал этиш мақсадида жорий йилда йилига 500 минг тонна қувватга эга полипропилен ишлаб чиқарувчи заводни ишга тушириш режалаштирилган. Жорий йилнинг ўзида корхонада қарийб 110 минг тонна полипропилен ишлаб чиқариш режалаштирилган.

«Шунингдек, қуйидаги йирик лойиҳалар ишлаб чиқаришнинг дастлабки босқичида: қуввати йилига 1 миллион тонна бўлган терефталик кислота ва полиэтилентерефталат, йилига 1,25 миллион тонна полиэтилен ва йилига 186 минг тонна бутадиен ишлаб чиқаришнинг дастлабки босқичида. Юқоридаги лойиҳалар учун «Сибур» ва «Татнефт» каби стратегик ҳамкорлар аниқланган», - деди Болат Ақшолақов.

Муаллиф: Марлан Жиембай