Қозоғистонда ярим тайёр маҳсулотлар ишлаб чиқарувчи юқори технологияли завод ишга туширилди
ASTANA. Kazinform - Ақмола вилоятининг Қосши шаҳрида «IL-TOV» МЧЖҚозоғистон ва Марказий Осиё минтақасида товуқ гўштидан ярим тайёр маҳсулотлар ишлаб чиқарадиган биринчи юқори технологияли ишга туширилди.
Лойиҳа «Qazaqstan Investment Corporation» АЖ (“Байтерек” АЖ шўба корхонаси) кўмагида амалга оширилди.
“Озиқ-овқат занжирида котлетлар, шницеллар, митболлар, стрипcлар ва нуггетслар 100% тайёр бўлиб, кейин музлатишга жўнатилади. Янги корхонада хомашё сифатида аввал «Qazaqstan Investment Corporation» АЖ томонидан молиялаштирилган “Макинск паррандачилик фабрикаси” МЧЖ маҳсулотларидан фойдаланилади”, - дейилади хабарда.
Заводнинг ишга туширилиши 90 та янги иш ўрни яратиш ва асосан Қоcши аҳолисини иш билан таъминлаш имконини берди. Айни пайтда ишлаб чиқариш линиясининг қуввати йилига 3 минг 346 тонна тайёр маҳсулот ишлаб чиқаришни ташкил этади.
«IL-TOV» масъулияти чекланган жамиятида ишлаб чиқарилган маҳсулотларга ўхшаш маҳсулотлар Қозоғистонга қўшни давлатлардан импорт келинганини алоҳида таъкидлаш лозим.
ҚР Президенти Қасим-Жомарт Тоқаев 2023 йил сентябрь ойидаги халққа мурожаатида Қозоғистоннинг импорт маҳсулотларига қарамлигини камайтириш имконини берадиган маҳаллийлаштириш улуши юқори бўлган ишлаб чиқаришларни яратиш зарурлигини таъкидлади.
Ўз навбатида, «IL-TOV» МЧЖ Қозоғистон маҳсулотлари билан импортни тўлиқ алмаштиришга эришиш ва келгусида заводнинг ишлаб чиқариш қувватини йилига 10-12 минг тоннага етказишни режалаштирмоқда. Шу билан бирга, ишчилар сонини 150 тага етказиш режалаштирилган.
